Media-KİT

Bakı Dövlət Universiteti

Baku State University

Бакинский государственный университет

 

Bakı Dövlət Universitetim

Elmin səmasında güntək doğuldun,

Yurdumun ilk təhsil ocağı oldun.

Gənclərə bir ana qucağı oldun –

Sənə könül verdim, mən ana dedim,

Bakı Dövlət Universitetim.

 

Həmişə cavansan, keçsə yüz illər,

Əbədi baharsan, ötsə fəsillər.

Sən elə mayaksan – neçə nəsillər,

Sənin işığında yol keçib gəlir,

Hələ gələcəyə yol gedəcəklər.

 

Elmindən nur gəldi gözlərimizə,

Arxa, dayaq oldun hər birimizə,

İnsanlıq dərsi də öyrətdin bizə -

Sənin zəhmətini kim unudar, kim,

Əziz Bakı Dövlət Universitetim

 

Tələbə, müəllim – hər bir övladın,

Sənin eşqin ilə qurub-yaradır.

Qürurla səslənir hər yerdə adın –

Qəlbimdə gedirsən, hayana gedim,

Doğma Bakı Dövlət Universitetim.

 

Uğurlu bu günün, şanlı dünənin,

Dahilər su içdi əlindən sənin,

Xoşbəxt övladısan xoşbəxt Vətənin –

Sən dostum, sirdaşım, saf məhəbbətim,

Mənim Bakı Dövlət Universitetim!...

 

söz: Baba Vəziroğlu

mus: Nailə Mirməmmədli