BDU-da “Könüllülük yarmarkası” keçirilib
Azərbaycan Könüllü Təşkilatları İttifaqının təşkilatçılığı, Azərbaycan Gənclər Fondunun dəstəyi ilə həyata keçirilən "Könüllülük yarmarkası" layihəsi çərçivəsində Bakı Dövlət Universitetinin (BDU) tələbələri ilə görüş olub.
Görüşdə Universitetin müxtəlif kurslarında təhsil alan tələbələrə Azərbaycan Könüllü Təşkilatları İttifaqı və üzv təşkilatlar barədə ətraflı məlumat verilib. Tədbirdə gənclər könüllülük hərəkatının daha da genişlənməsinin perspektivləri barədə öz təkliflərini verib, müasir Azərbaycan gəncliyinin formalaşmasında könüllülüyün rolundan bəhs ediblər. Çıxışlarda BDU-da bu istiqamətdə həyata keçirilən layihələrdən söz açılıb.
Qeyd edək ki, layihənin keçirilməsində məqsəd tələbələrin Azərbaycan Könüllü Təşkilatları İttifaqına üzv olan təşkilatlar barədə məlumatlandırılması, könüllü fəaliyyətin tələbə gənclər arasında təbliğidir.
